碳纖維槳 無風衝浪
By www.carbonfiber.com.cn
【太陽報專訊】究竟 Model 玩咩呢？準備撐艇抑或滑浪？其實兩種講法都只係啱一半，因為這個近一、兩年才在港興起的水上活動名為立式單槳衝浪（ Stand Up Paddle Surfing ），或者簡稱做 SUP。跟一般滑浪運動最唔同之處，係風細時可用單槳撐出航道，等大船經過時起浪就可以即衝！講刺激感，SUP 未必及得上滑浪，但優點在於技巧要求比較低，而且玩一個鐘抵得上跑步個半鐘，趁住夏天餘暉未盡，撐走 Bye Bye 肉就最啱！
模特兒右手握着的是碳纖維槳，輕且硬度強，新手未必啱用；至於左手握的黑槳為纖維槳，較輕但較脆；而白槳為鋁，較為重手。
風平浪靜照玩
相比起加州、峇里或者夏威夷，香港風浪一啲都唔大，要玩滑浪比較困難；而立式單槳衝浪（ SUP ）好玩在無風無浪都可以起動，無浪時可以企在滑板上單槳划行，有浪先衝，唔使搵命博等打風先有得玩。香港有得玩 SUP嘅地方唔算多，赤柱香港水上活動拓展中心係其中一處，負責人 Fesco 就話，喺香港玩 SUP嘅人，都係以 Keep Fit 為主，因為真正要做到衝浪動作，基本都要先划上一小時，才可以去到大船航道，靠大船經過有「湧」時先有得衝，未必個個參加者咁有耐性。不過喺滑浪板上平衡加上撐艇嘅動作也算帶氧運動，撐一小時幾乎已等同跑步個半鐘，好過玩跑步機。
新手落海Step by Step：
1. 上板時船槳放在板頭位置，然後按住板側上板。
2. 初學者最好用上身壓在板上再慢慢爬上去。
3. 當爬到上板後，先趴在板上用雙手左右撥水滑行。
4. 然後可坐或跪喺滑浪板上以單槳划行。坐着較易平衡，但划槳會較嘥力；至於跪住撐就易於轉向。
企後一步更易控
SUP 所用嘅滑浪板跟傳統的有所分別，主要係 SUP 板較闊較厚，浮力較強，亦較容易掌握。Fesco 稱滑浪板款式多多，更拎起本 SUP 專門雜誌逐一介紹，解說獨木舟尖頭設計速度會較快，但係一眾新手都係玩圓圓厚厚款式穩陣得多。
下水之前，Fesco 詳細講解滑浪板結構跟站立姿勢：「滑浪板上有三條線，左右腳平放踩在兩條外線上，但企法並非如 Surfing 般前後腳。至於 Handle 位置屬滑浪板中央，前後一步位置都屬 Sweet Area，企上去夠穩陣，唔使擔心翻轉。如果想控制得好啲，喺Handle 位企後一步會仲好。」上堂完畢，即時落水玩！
上板行直線都有竅妙
玩 SUP 第一步就要學識上板。只見 Fesco 單手按住板邊即刻企上滑浪板，莫非真係咁易？ Fesco 提醒：「你哋唔好跟啊！學番最基本上板動作先。」模特兒聽從指示，首先將船槳放喺滑浪板最前位置，然後㩒住板邊將上身放在板上，慢慢將雙腿移上滑浪板。當全身趴在板上，就可以好似傳統滑浪一樣以雙手在板邊潑水前進，然後變為下跪姿勢，到最後就可企在板上，大功告成！
初學者如驚跌，Fesco 教路，千祈唔好望住雙腳，向前望會穩陣啲，而且當滑浪板向前移動時先好企起身。只得一支槳點行直線？如果唔嫌麻煩，左一下右一下咁划都可以行到直線；但 Fesco 就教個「聰明」方法，譬如向左邊划槳，划槳時身體重心稍為向左，然後以反「C」形狀方法向後划槳，相反方向就變成正「C」果然得咗！玩到呢一刻已開始覺得攰，浪未衝但 Fit 已 Keep ！至於究竟點衝浪？上 YouTube 就有大把高手示範片段。
13 歲以上先玩得
為安全計，玩立式單槳衝浪最好穿着救生衣，「處女下海」都冇咁驚，但由於救生衣浮力太強，根本做唔到浪底下潛越的動作；Fesco 就話想玩立式單槳衝浪，一定要 13 歲以上，並能夠在沒有救生衣輔助下游到 50 米先得。
點樣揀槳？
Fesco 教路，鋁合金槳較平但較重，纖維槳較輕但較脆，而至於 Carbon 槳就集輕同硬嘅優點，亦係最 Top Model。畀女仔用又可以點揀？ Fesco 就幫 Model 揀咗支輕身而且槳頭可以調校長度嘅槳，控制方面會比較容易，划槳時用一隻拳頭揸實槳頭，同扒龍舟握槳手法一樣。
企法同Surfing前後腳唔同，企時最好並排，左右腳站在外邊兩條線就夠穩陣，而且記得要縛上腳繩。
中央位置為Handle，是整塊滑浪板的中心點，企位都係睇佢。
落水前要檢查滑浪板底有冇Fin，單Fin較適合撐長途，三Fin就抓水力強，細浪較啱用。
滑浪板Detail Check：
Fesco指出初學者可玩印有三條線的滑浪板，較容易清楚企得啱唔啱位。
聽完Fesco的專業講解，出發去玩水囉! Go!
【太陽報專訊】究竟 Model 玩咩呢？準備撐艇抑或滑浪？其實兩種講法都只係啱一半，因為這個近一、兩年才在港興起的水上活動名為立式單槳衝浪（ Stand Up Paddle Surfing ），或者簡稱做 SUP。跟一般滑浪運動最唔同之處，係風細時可用單槳撐出航道，等大船經過時起浪就可以即衝！講刺激感，SUP 未必及得上滑浪，但優點在於技巧要求比較低，而且玩一個鐘抵得上跑步個半鐘，趁住夏天餘暉未盡，撐走 Bye Bye 肉就最啱！
模特兒右手握着的是碳纖維槳，輕且硬度強，新手未必啱用；至於左手握的黑槳為纖維槳，較輕但較脆；而白槳為鋁，較為重手。
風平浪靜照玩
相比起加州、峇里或者夏威夷，香港風浪一啲都唔大，要玩滑浪比較困難；而立式單槳衝浪（ SUP ）好玩在無風無浪都可以起動，無浪時可以企在滑板上單槳划行，有浪先衝，唔使搵命博等打風先有得玩。香港有得玩 SUP嘅地方唔算多，赤柱香港水上活動拓展中心係其中一處，負責人 Fesco 就話，喺香港玩 SUP嘅人，都係以 Keep Fit 為主，因為真正要做到衝浪動作，基本都要先划上一小時，才可以去到大船航道，靠大船經過有「湧」時先有得衝，未必個個參加者咁有耐性。不過喺滑浪板上平衡加上撐艇嘅動作也算帶氧運動，撐一小時幾乎已等同跑步個半鐘，好過玩跑步機。
新手落海Step by Step：
1. 上板時船槳放在板頭位置，然後按住板側上板。
2. 初學者最好用上身壓在板上再慢慢爬上去。
3. 當爬到上板後，先趴在板上用雙手左右撥水滑行。
4. 然後可坐或跪喺滑浪板上以單槳划行。坐着較易平衡，但划槳會較嘥力；至於跪住撐就易於轉向。
企後一步更易控
SUP 所用嘅滑浪板跟傳統的有所分別，主要係 SUP 板較闊較厚，浮力較強，亦較容易掌握。Fesco 稱滑浪板款式多多，更拎起本 SUP 專門雜誌逐一介紹，解說獨木舟尖頭設計速度會較快，但係一眾新手都係玩圓圓厚厚款式穩陣得多。
下水之前，Fesco 詳細講解滑浪板結構跟站立姿勢：「滑浪板上有三條線，左右腳平放踩在兩條外線上，但企法並非如 Surfing 般前後腳。至於 Handle 位置屬滑浪板中央，前後一步位置都屬 Sweet Area，企上去夠穩陣，唔使擔心翻轉。如果想控制得好啲，喺Handle 位企後一步會仲好。」上堂完畢，即時落水玩！
上板行直線都有竅妙
玩 SUP 第一步就要學識上板。只見 Fesco 單手按住板邊即刻企上滑浪板，莫非真係咁易？ Fesco 提醒：「你哋唔好跟啊！學番最基本上板動作先。」模特兒聽從指示，首先將船槳放喺滑浪板最前位置，然後㩒住板邊將上身放在板上，慢慢將雙腿移上滑浪板。當全身趴在板上，就可以好似傳統滑浪一樣以雙手在板邊潑水前進，然後變為下跪姿勢，到最後就可企在板上，大功告成！
初學者如驚跌，Fesco 教路，千祈唔好望住雙腳，向前望會穩陣啲，而且當滑浪板向前移動時先好企起身。只得一支槳點行直線？如果唔嫌麻煩，左一下右一下咁划都可以行到直線；但 Fesco 就教個「聰明」方法，譬如向左邊划槳，划槳時身體重心稍為向左，然後以反「C」形狀方法向後划槳，相反方向就變成正「C」果然得咗！玩到呢一刻已開始覺得攰，浪未衝但 Fit 已 Keep ！至於究竟點衝浪？上 YouTube 就有大把高手示範片段。
13 歲以上先玩得
為安全計，玩立式單槳衝浪最好穿着救生衣，「處女下海」都冇咁驚，但由於救生衣浮力太強，根本做唔到浪底下潛越的動作；Fesco 就話想玩立式單槳衝浪，一定要 13 歲以上，並能夠在沒有救生衣輔助下游到 50 米先得。
點樣揀槳？
Fesco 教路，鋁合金槳較平但較重，纖維槳較輕但較脆，而至於 Carbon 槳就集輕同硬嘅優點，亦係最 Top Model。畀女仔用又可以點揀？ Fesco 就幫 Model 揀咗支輕身而且槳頭可以調校長度嘅槳，控制方面會比較容易，划槳時用一隻拳頭揸實槳頭，同扒龍舟握槳手法一樣。
企法同Surfing前後腳唔同，企時最好並排，左右腳站在外邊兩條線就夠穩陣，而且記得要縛上腳繩。
中央位置為Handle，是整塊滑浪板的中心點，企位都係睇佢。
落水前要檢查滑浪板底有冇Fin，單Fin較適合撐長途，三Fin就抓水力強，細浪較啱用。
滑浪板Detail Check：
Fesco指出初學者可玩印有三條線的滑浪板，較容易清楚企得啱唔啱位。
聽完Fesco的專業講解，出發去玩水囉! Go!
